Opplading i dette landskapet
Meir eple...?
Etter å ha vore globetrottar i nærare tre veker, kom kvardagen brutalt brått på. Kryssar fingra for at både mine og mi kjære maskin sine batteri er godt opplada, sidan vi skal produsere og levere to oppgåver til fredag og eit semesteroppgåveutkast til onsdag og vi ikkje har starta på noko av det endå.
Men sidan neste veka ser ut til å vere lenka til tastaturet er det godt eg har fått unna alle viktige to- do-ting, som å vere i lag med tanteungar både i aust og vest, tilbringe uanstendig mykje tid på kafé ilag med gode vener eg strengt teke ikkje ser for ofte, sett desse karane live, vore på denne premieren, vore fadder for :bente sitt vesle gull (og endeleg kome "orntli inn i familien" som pappaen hennar så godt uttrykte det), teke tog og buss, lese to av ti artiklar, sett tre filmar eg ikkje har sett før, feira ein bror, rensa hundeøyrer, nesten fått omgongssykje, sprengt klesbudsjettet og lært sauene våre å ete epler.
Kom arbeidslyst og treng deg på! Vær so snill...!
Ingen kommentarer:
Legg inn en kommentar