14.09.2011

Yo!

I staden for at eg prøver å underhalde med tomt snakk, kan du la Ylvis underhalde deg med denne rap- videoen. Ta atterhald om at rapvideoar aldri kjem til å bli den same etter å ha sett denne videoen.

Respekt, Ylvis. Respekt.

23.08.2011

On the top of the world

  
On the top of Vennesla iallefall! 485 m over havet. Høgaste punktet i kommuna. I det fjerne kan du skimte sjønen! 

Kva er det med alle myrene som er på sørlandet. MYR MYR MYR......! Joggeskoa blei svømmeføte og beina va trutna og fine då sokkane blei fjerna! Trur eg må investere i gore-tex........






22.08.2011

Heilt på jorde i år og!

Heilt på Jordet i lag med 900+ andre!

Ei heil bygd som bruka 2 t på å sykle 3 km, med 9 drikkestopp og andre ufrivillige aktiviteta under vegs. Eit sirkustelt, ei stor scene og eit digert varmt bål! Ei finare augustnatt skal du leite lenge etter.

Fantastisk!
Takk for i år folkens, ser fram til neste år!



14.08.2011

11.08.2011

Malakof rockefestival

Julie sitt kule festivalband.













Rockehår også i år.














Gode venna på festival!



Hus til salgs!

Eit hus til overs,
eit hus til besvær.
Eit koselig lite husvær!

Vil du kjøpe,
må du løpe.
Fordi det er deg vi søkjer!




12.07.2011

Eg skal lage festival!

Neste år har eg tenkt å lage festival. Heime hos meg. Den skal heite NestenVaksenFestivalen, og føregå slik:

Festivalen skal arrangerast ei helg på sommaren det er fint veir, og den skal vare frå fredag til søndag. Det vil bli solskin og god stemning, med 25 grader om dagen og 21 om natta.

Hageflata vil bli brukt til hovudkonsertarena, fordi då vil det bli naturleg amfi i hagebakkane. Redskapshuset vil bli brukt til DJ-sets, med god plass til lys og lyd, og det lekre og nesten beine sementgolvet vil fungere ypparleg som dansegolv.

Festivalcampen blir på flata innafor huset, festvaldoane blir sett opp nordom lada. Dusjane skal stå synnafor redskapshuset, fordi der er det sementgrunn og bakke, slik at der er fint og stå, og vatnet renn vekk.

Festvalkontoret skal vere i Bestemorstova, og bestemoraltanen vil bli brukt til matservering. Olav og Angus frå restaurant Færingen skal vere kokkar. All mat skal vere utgått på dato, slik at alle forstår at denne maten er heilt fin og ikkje farleg å ete. Og alt blir grilla. Det vil bli servert kylling, fisk, salat, brød, jordbær, melon, øl, cider og vatn med sitron.

Det er ikkje lov å vere dritings, klein eller patetisk, og aldersgrensa vil bli 23 år (med nokre unntak). I tillegg er det forbode med rølping, spying, forsøpling og countrymusikk. Alle skal vere blide, imøtekomande og i god stemning. Alle artistane vil bo i telt på festivalcampen, noko dei synes er heilt greit nettopp fordi publikum ikkje er harry idiotar som ber om autografar eller bilder heile tida.

Fredag vil festivalen bli innleia av Euroboys, som set oss i god californisk- norsk strandsommarstemning. Etter dei spelar Starsailor deilig postbritpop, før Folk og Røvere bikkar oss over i den rette groovy stemninga. Robyn skal ha konsert og seinare vere DJ heile natta i redskapshuset, og alle vil danse til sola kryp over Kambenakkjen.

Laurdag kan dei som vil gå ein tur på Rindehornet, og bade av seg svetten (og natta) i elva når vi kjem nedatt. Laurdagskvelden vil stemninga bli sett i gong av den fantastiske Jarle Bernhoft, før Big Bang kjem på scena og set folk i hoppe-humør. Dei vil bli avløyste av Tom Waits, som held tidenes beste konsert, før Timbuktu tek med seg Damn! og held konsert i redskapshuset utover natta.

Laurdagsnatta vil bli lys og lang, og Bernhoft, Greni & Waits vil impulsivt jamme på Bestemoraltanen, og så spira for eit fantastisk man-band som blir ein knallsuksess (vi snakkar cd- innspelingar, verdskonsertturnear og massivt gode kritikkar). Bruce Springsteen, Thomas Dybdahl, Coldplay og deLillos vil vere blant publikum og be om å få vere med neste år. Både deLillos og Thomas Dybdahl har med seg gitarane sine, og held intimkonsertar på festivalcampen nattestid på eige initiativ. Veirene Odd og Terje, og sauene 8011, 8017 og 5018 med familiar vil stå på den andre sida av gjerdet og følgje med. Søndag kan alle som vil vere med på ny fjelltur, for å gå opp att med alle dei sauene som har kjeme ned i løpet av natta for å sjå kva som heldt på. (Med påfølgane bading i elva.)

For å kome deg heim til meg må du ta ein buss som køyrer på E39 og hoppe av ved Bakkeveien. Eller du kan kome gåande. Det vil bli seld akkurat passeleg mange festivalpass, og dei bestiller du i kommentarfeltet under.

Det må imidlertid takast høgde for at festivalen ikkje blir arrangert på grunn av manglande økonomi og urealistiske planar.



11.06.2011

Laurdagslukke

Etter å ha gått til sengs med Harry Hole, sove i 10 1/2 time, brukt mykje pengar på arbeidsantrekk av Olden- kvalitet og ete fersk fisk til middag, vart laurdagslukka toppa då eg fann ut at verdas vakraste blomst veks i Fjellveien!



Skogstorknebb

Eg trudde ikkje eg kom til å få gleda av denne i år, då den må plukkast før bøndene sler markane sine, og den som regel blomstrar av før jonsok. Og sidan eg ikkje befinn meg på bondekantar før i starten av juli, såg eg sjansen som tapt. Men no er det sommar, også her i byn!

God pinse!



28.05.2011

A french affair

Ja. Eg innrømmer. Legg meg flat. Eg har synda. Vore utru. Fleire gonger. Med vitande vilje. Og eg har til hensikt å fortsette.

Mitsubishi Pajero. The love of my life.

Til vanleg når eg køyrer bil, køyrer eg ein høgt elska Pajero, om lag ein slik som du ser på biletet over. Eg har uttala utallige gonger til utallige menneske at eg aldri vil setje mine bein på pedalar i noko anna enn min kjære Pajero. Og i so tilfelle må det vere noko som liknar. Aller helst skal det vere stort. Og sterkt. Heile poenget med ein bil er jo at den skal kunne trekke ein hestehengar.

Og det skal i alle fall ikkje ha færre enn fem dører. Farge på bilar har eg aldri skjønt poenget med, her skal det vere grått. Og noko på størrelse med ein Golf kunne du berre drite i at eg såg på ein gong!

Og no har eg altså vore utru. Og attpåtil med ein kar som er liten, snerten og fransk!

Mitt franske sidesprang

Fordi eg no held på å bli vaksa (les: ikkje skal vere student lenger) treng eg av og til eit framkomstmiddel for å bruke knappast mogleg tid att og fram til min nye arbeidsstad. Det er i desse tilfella eg har begått den synda å ikkje vere tru mot Pajeroen. Og det att på til med ein kar som ikkje ein gong har hengarfeste!

Men det verste er at det kjennest ikkje så gale som eg hadde trudd! Samvetet mitt er ikkje svart som natta, meir grått som Pajeroen. Eg og mr. 207 kjem godt overens, han er kjapp og lydig, billig i drift og han går på diesel! (Noko som er det einaste eg har å utsette på min elles so perfekte Pajero. Skal du ha drag, må du ha diesel.) I tillegg er han jo ikkje min, eg lånar han når eg treng han her. Eg tykkjer det gjer sviket litt mindre. Så då får det heller gå at han er liten, raud og fransk. Pajeroen min er jo trass alt langt vekke og tenar andre.

Eg trøstar meg med at sviket mitt i alle fall har fem dører. Sjølv eg har då ei moralsk grense.

12.05.2011

A lot of nothing finished yet

For å bruke eit Bigbang- sitat, dette er livet mitt kort oppsummert for tida. A lot of nothing finished yet.

Mykje som skjer, ingenting eg får gjort ferdig på ei stund, lite tid til det eg har lyst å gjere. Men eg kan røpe at studielivet går mot slutten, og at eg snart går over i dei vaksne og ansvarlege sine rekker. I den grad er eg i stand til det.

I mellomtida blir det ikkje meir tid til blogging enn det har vore på ei stund. Men ein skal ikkje kimse av det praktiske som føl å ha ein blogg! I år hugsa eg nemleg at eg trengde nye bunadssko! Ikkje verst berre det!

Det kan og sjå ut til at også i år vil NestenVaksen- teamet ha ein representant i den bergenske 17. mai - prosisjon. Og viss vi er heldige, kan det hende det kan bli ein oppsummerande bloggpost om det i ettertid. Men ikkje håp for mykje. Lita tid til det eg har lyst å gjere, veit de.


31.03.2011

Ein skal vente både haust og vinter på vår!

 I morgon når det er 1. april, har eg då lov å seie at eg har venta både haust og vinter på våren?

Kan eg frå i måra bli grinete, sur og tverr om der kjeme meir kvite nedbør?
Om eg må ta i sørlandsskuffa eller spaden, kan det klikke for meg då?

Eg har vore danna og snill heile mars, prøvd å dysse ned når andre helde på å klikke. Ein skal ikkje tru at våren er komen enda har eg sikkert sagt 100 gonga...... sagt det for å overbevise andre om at vinteren vare utover våren eit stykke, og for å ikkje lure meg sjølv med at våren er komen!

Så offisielt frå i morgon, då er det min tur til å klage, syte, mase og klikke om der kjem meir ned!
Er det greit?

Ps: I måra er det 1. april! Skal tru om nåken blir lurt?

22.03.2011

Tysdag

Nokre dagar kan ein gå av bussen 5 stopp før og spasere heimatt i solskin og fuglesong. I dag var ein slik dag. Gud signe våren!


08.03.2011

Etterlysing!

Pengar. Sist sett på konto rett før mammutsalet. Meld til eigar (meg) dersom du finn dei. Inga finnarløn.

Innkjøpsstoppen av bøker vart midlertidig oppheva.

04.03.2011

Fredag og humor

Denne dagen gjer meg humor via A-magasinet til Aftenposten.

Sjå kva eg fann der idag!

Og her!

God helg alle.
God helg :janne som er på vinterferie!